TOERUSTINGGEMAAK IN SUID-AFRIKA
K-WAY FELIX ECO SOFTSHELL-BAADJIE
Dié baadjie is gemaak van herwonne vagstof en GreenCircle-poliëster. GreenCircle word gemaak deur ’n maatskappy genaamd Jiaren in China wat poliëstervesels herwin.
’n Mens sou dink die materiaal sou anders voel as die gewone, maar nee wat, die baadjie lyk en voel presies soos ander softshell-produkte. Die materiaal is waterbestand en behandel met ’n spesiale afweerder wat maak dat reëndruppels daarvan afloop soos water op ’n eend se rug. Dis taai genoeg vir ’n dag in die berge, maar ook netjies genoeg vir ’n Zoom-vergadering met die baas. Die vroueweergawe is die Mira Eco Softshell. Dis ook beskikbaar in swart en rooi.
R1 000 by capeunionmart.co.za
K-WAY ECO FLEECE-MUSSIE
Hierdie mussie is gemaak van 100% herwonne poliëster. Dié sterk materiaal laat geen windjie deur nie en maak geen wolletjies nie.
Ongeveer 40% van K-Way se produkte word van volhoubare materiale gemaak. Buiten die mussie en-baadjie sluit die