Natuur
Met ’n besonder lang stert omtrent drie keer die lengte van sy vaaloranje lyf, ’n grys kop en oranjerooi bene is die Sandveld-akkedis iets vir die oog. Tog het dit tot die middel 1990’s heeltemal onder die radar gebly. Reptielkenners het eers in die vroeë 2000’s ernstig daarna begin soek.
Alles het begin toe Kobus Engelbrecht, eienaar van die plaas Albina naby Lambertsbaai, in 1996 ’n stuk grond skoongemaak het om aartappels te plant.
Hy het ’n slanke, skarrelende lyfie voor sy trekker sien hardloop en eers gedink dit is ’n slang. Hy het die diertjie vasgegryp, in sy bosak gestop en dit tuis verder ondersoek. ’n Paar dae later het hy nog een gevang onder bostakkies op die rand van die gebied wat hy skoongemaak het.
“Ek’s op Albina gebore. Dit het 46
