Herlewingslandbou
KORTOM
■ Die Clarks gebruik tien “gewasse” – hieronder ook vee – om die biodiversiteit van voordelige lewe bo en onder die grondoppervlak te verhoog.
■ Deur hul langtermyngebruik van herlewingslandboupraktyke kon Rick Clark en sy gesin talle chemiese produksie-insette heeltemal uitskakel.
■ Pleks daarvan om opbrengs tot elke prys na te jaag, moet saaiboere volgens Rick daarop konsentreer om maksimum opbrengs op hul belegging te behaal deur volhoubare produksiepraktyke.
Naam: Clark Land & Cattle; Farm Green Consulting
Ligging: Williamsport, Indiana, Amerika
Oppervlakte: Sowat 2 800 ha
Vertakkings: Gewasse: mielies, bone, koring, lusern, sorghum, ertjies, dekgewasse; Vee: 75 vleisbeesteelkoeie en 30 skaapteelooie. Die gewasproduksiestelsel strek tipies van April tot September.
Topografie: 209 m bo seevlak (gemiddeld), met 220 m die hoogste en 198 m die laaste vlak.
Klimaat: 762-864 mm reën en sneeu per jaar; van -40 °C tot 35 °C
Die ekonomiese gesegde beweer jy kan jouself nie ryk spaar nie, maar ’n jaarlikse besparing van byna R38 miljoen laat ’n mens heroorweeg of daar nie waarheid hierin steek nie.
Rick Clark se langtermynvisie vir sy gesin se Clark Land & Cattle-landboubesigheid in die Amerikaanse deelstaat Indiana vorder só goed dat hy deurlopend winsgewende kontantgewasse verbou sonder die gebruik van potensieel skadelike produksie-insette en -praktyke. Meer as 2 266 ha van sy 2 800 ha bewerkbare grond is reeds organies gesertifiseerd, met die res wat binnekort sal volg. Die jaarlikse besparing van ’n yslike $2 062 selfs sy felste kritici se monde.
