INSPIRASIE
Sy ken ál die dwelmsmouse van Eldoradopark in Johannesburg en weet waar elke dwelmnes is. Dereleen James (46) vrees nie meer dié mense nie. Dít kan jy duidelik sien in ’n video wat onlangs soos ’n veldbrand op sosiale media versprei het waarin sy haar frustrasie met die dwelmsituasie in dié gemeenskap uitspreek. Sy het die video voor ’n dwelmhuis geneem nadat haar seun, Kaylin (27), ná sewe dwelmvrye jare ’n terugslag gehad het.
Haar frustrasie is aanvoelbaar. Sy is duidelik ook moeg. Moeg gesukkel om mense sover te kry om saam te staan en op te staan om verandering te bring; moeg ná Kaylin se terugslag en die diep emosies en trauma wat weer na die oppervlak gebring is daardeur, en die gedagte dat sy wragtig nie wéér deur hierdie hel sal gaan