Ná maande in die oefensaal was verskeie boere op 19 Maart onder die 680 spanne wat by die Meerendal-wynlandgoed naby Durbanville weggespring het vir die Absa Cape Epic, een van die wêreld se moordendste bergfietswedrenne wat oor agt dae strek.
Thys Louw van Diemersdal naby Durbanville meen dit is geen verrassing dat boere so ’n voorliefde vir hierdie epiese wedren het nie.
“Ons wat op die plaas grootgeword het, het nie op die teerpad leer fietsry nie. Ons ken van oor slootjies ry en weet wat die wiel gaan doen as jy oor ’n klip ry. Ons verstaan die terrein baie goed, wat ’n groot voordeel is.”
Drie keer skeepsreg
Vir Neil Retief, ook ’n wynboer en een van die bekende vier neefs van Van Loveren op Robertson, was dit vanjaar sy derde Cape Epic, wat hom nou lid maak van die gesogte Amabubesi-klub. Dié-heupe was daar egter geen keer aan hom sedert die bergfietsgogga gebyt het nie.
