KORTOM
■ Die einde van Klaas Malan se deelname aan die boubedryf het die begin van ’n nuwe boerdery-era met meer grond en mielies ingelui, asook groter diversifikasie met beeste.
■ Daarna het die beginsel van dekgewasse in wisselbou met mielies, gekombineer met beeste, ’n blinknuwe toekoms ingelui.
INLIGTING
Ligging: Grootfontein, Namibië
Naam: Venus
Eienaarskap: Beslote korporasie
Vertakkings: Mielies, dekgewasse, beeste, selfsorg-gastehuise en kampeerterrein.
Grondtipe: Sand- tot swart turfgrond
Veldtipe: Soetveld
Gemiddelde reënval: 500 mm/jaar
Waar hy voorheen net ’n graanboer was en aan misoeste uitgelewer was, word die inkomste op Klaas Malan se plaas, Venus, by Grootfontein nou ongeveer om die helfte tussen ’n bees- en graanboerdery verdeel.
Dit verminder die risiko heelwat – grootliks danksy dekgewasse.
“ ’n Droogte beteken niks as jy nie iets daaruit leer nie. Die 2019-droogte het my laat besef ’n mens moet jou blootstelling aan droogtes verminder deur beter praktyke te volg en voorsiening te maak vir wanneer die volgende droogte aanbreek.”
