35 000 ha, 12 vertakkings verminder risiko’s
A s jong boer was mnr.
Ockert Steyn se visie om indringerbosse uit te roei om weer soos van ouds ’n plaas met wuiwende grasvlaktes te hê. Dit was die begin van ’n mega-onderneming.
Die boerdery se sukses het 30 jaar gelede begin toe sy neef, mnr. Frans Jooste, hom die geleentheid gegee het om op dié se erfplaas, Bosville-Wes, by Summerdown te gaan boer omdat hy self in Botswana gewerk het.
“Op ou foto’s kan ’n mens sien dit was ’n savanneplaas met grasvlaktes, maar dit is mettertyd erg deur indringerbosse ingeneem. In 1995 het Frans my gehelp om die plaas te koop. Ek het toe begin om die bosse met hande-arbeid en chemiese middels uit te roei, totdat die plaas weer deur grasvlaktes gekenmerk is. Sodoende het die drakrag van 20 ha per grootvee-eenheid (GVE) tot 7 ha/GVE verbeter,” sê Steyn (52), wat steeds op Bosville-Wes woon.
BREI GROOTSKAALS UIT
Vandag besit Steyn ook ander plase, ’n private koöperasie, ’n Brahman- en Sussex-stoetery, kommersiële
