VEEDIEFSTAL in die Vrystaat was al dikwels die vonk wat menige kruitvat laat ontplof het. Só was dit ook toe Brendin Horner van Paul Roux in 2020 veediewe op heter daad betrap en met sy lewe daarvoor geboet het.
Met die hofverskyning op 6 Oktober 2020 van twee verdagtes (wat later vrygespreek is) vir dié moord, het plaaslike boere geëis dat ’n nasionale taakspan aangestel word om veediefstal in die distrik Paul Roux en die polisie se betrokkenheid daarby te ondersoek.
Die taakspan is aangestel, maar boere sê net soos met Horner se moord was daar nog geen suksesvolle vervolging nie, ondanks ’n dik dossier met name en bewyse wat hulle ná die Horner-moord aan Bheki Cele, minister van polisie, oorhandig het.
Die laaste terugvoer oor die beweerde polisie-betrokkenheid was ’n jaar gelede, sê dr. Jane Buys, veiligheidsrisiko-ontleder by Vrystaat Landbou (VL). Die ondersoek kon nie verder gevoer word nie omdat daar volgens die polisie
