LIGGING WES-AUSTRALIË
GINGIN
Jannie Baard en sy gesin het 12 jaar gelede Heidelberg (Wes-Kaap) verruil vir Gingin in Wes-Australië, ’n boeregemeenskap 90 km noord van Perth. Sy vrou, Danél, is ’n dokter wat eers in ’n algemene praktyk was, maar nou by ’n spesialissentrum nader aan Perth werk. Hul seun, JA, is pas klaar met matriek en kry blootstelling in ’n paar bedrywe voor hy gaan studeer. Hul dogter, Janneke, is besig met haar voorlaaste skooljaar. (JA was hoofseun, en die onderhoofmeisie by sy skool was ook ’n Suid-Afrikaner.)
Hoekom het julle getrek?
In 2009 het ons besluit om ons vlerke te sprei. Die proses het omtrent twee jaar geduur. Ons wou ’n ander wêrelddeel ervaar, die kinders was nog klein (onderskeidelik 5 en 3) en as gevolg van visa-afsnypunte (teen ouderdom 40-45) was dit die ideale tyd. Danél se werkgewer het gereël vir ’n tydelike visa vir vier jaar. Dit het ons genoeg tyd gegee om die kat uit die boom te kyk.
Die politieke stabiliteit het swaar geweeg, asook
