KORTOM
■ Een jaar sedert die Russiese inval in Oekraïne gaan laasgenoemde se landboubedryf dapper voort met sy stryd om genoeg voedsel vir sy burgers en baie ander wêrelddele te produseer.
■ Die Russiese regering verbreek sy ooreenkoms om Oekraïne toe te laat om baie van sy opgebergde en onlangs geoeste graan en oliesade uit te voer na markte wat hiervan afhanklik is.
■ Dit kos nou dieselfde om die landmyne op een hektaar Oekraïense landbougrond op te ruim as om dieselfde hektaar grond teen sy vooroorlogse waarde te koop.
Die Oekraïense boere en inwoners het van die aakligste ervarings denkbaar beleef sedert Rusland hul land ’n jaar gelede binnegeval het. Terwyl Rusland se regstreekse en onregstreekse vyandelikhede onverpoos voortduur, bly die meeste van Oekraïne se boere vasbeslote en optimisties dat hulle hulself en hul land sal kan herstel en herbou.
Die Oekraïense landbouraad (UAC) en die Save Ukrainian Agriculture (Save UA), ’n geldinsamelings-en-bewusmakingsorganisasie, gee gereeld inligting oor hoe die land se boerderywaardeketting vaar onder die onophoudelike Russiese