Watter werkesel?
’n Bakkie moet ’n boer se regterhand wees — ’n werker waarop hy volkome kan vertrou. Om vas te stel watter bakkie so reg in boere se kraal is, het vier boere en ses bakkies op die Sandwani-wildplaas naby Pretoria byeengebring. Hulle het ’n dag lank die ses dubbelkajuitbakkies getoets onder die wakende oog van die TV-aanbieder André de Villiers. publiseer vanaf 24 Augustus in elke uitgawe ’n dubbelblad-artikel oor elke bakkie en wat die boere van hom gedink het. Lesers kan ook op kyk wat gebeur as vier boere in ses bakkies losgelaat word. (Ja, van hulle wou heeldag versnelrenne hou en by tye het die stof gestaan.) Die bakkies ter sprake is die Toyota Hilux 2.4 GD-6 en 2.8 GD-6, die Nissan Navara 2.5 DDTi, die Isuzu D-Max 3.0 TD, die GWM P-Series 2.0 TD en die Ford Ranger 3.0 V6.
