Kurt-Lee Arendse (26) is vuurwarm – kookwater op die rugbyveld, en innemend en gemaklik warm van die veld af. En dis juis dié warmte wat Kuier laat sweet het net om hom vas te pen vir 'n vinnige gesels. Maar praat móés ons met hom praat. Dié klong van die Paarl het uit die bloute met sy blitsige aftrappe die rugbywêreld aan die gons.
Kurt-Lee het eintlik maar 'n bietjie laat sy debuut vir die Springbokspan gemaak. In die internasionale arena word talente soos hy sommer al vroeg opgeraap terwyl hulle nog op skool is – veral as jy gelukkig is om by een van die elite-skole, die teelaarde van die bekendste name in wêreldrugby, jou tande te slyp.
Nie Kurt-Lee nie. Hy was by 'n gewone skool in