Brenden Nel gesels met Bulle se nuwe direkteur van rugby Loftus se ‘Judas’ nou die redder
Jake White sê hy is vandag gryser en wyser as toe hy as Springbok-afrigter Loftus se mense moord laat skree het oor sy afjakkery van Victor Mat-field en Derick Hougaard.
Net so was Loftus se uitjouery van Percy Montgomery net soveel vir White se ore bedoel as vir die Springbok-heelagter.
Vir White, wat pas as die Bulle se direkteur van rugby aangestel is, is dit alles water onderdeur die brug.
En, sê hy, hy voel die Bulle se ondersteuners moet dieselfde doen.
“Om eerlik te wees, jy kom nie die heeltyd oor die weg met almal nie. Selfs die onderonsie met Victor – hy’t vir my gespeel in die Wêreldbeker-eindstryd en was die Speler van die Wedstryd in die eindstryd in Parys. Al dink mense daar was spanning tussen ons, het hy in
