Die astroloog Yasmin Boland sê dis moeilik om te oordryf hoeveel verandering in 2023 op ons wag. Buiten die aantal verduisterings wat ons elke jaar beleef, lê daar volgens die sterrelandskap ander reuseveranderings voor. Die tasbaarste daarvan is dat Saturnus van teken verander en van die Waterdraer na die Vis beweeg. Saturnus is die teken van inperkings, karma en nuwe lesse; die Waterdraer is die teken van menslikheid. Nodeloos om te sê sal ons almal baie minder ingehok voel as in onlangse jare. Maar vir eers is daar ’n hele rits lewenslesse op pad.
Vuur
Grond
Lug
Water
RAM
21 MRT – 19 APR
’N JAAR VAN VERANDERING
Mik daarna om in 2023 elke dag iets “genesends” te doen om die beste gebruik te maak van jou jaar. Dit klink dalk ’n bietjie kwaai, maar dit is eintlik heel haalbaar. Soms is ’n lekker lang stort of ’n warm bad al wat jy nodig het om beter oor jouself te voel. En onthou jy kan soms wegneemkos bestel wanneer jy net nie lus het vir kook nie. Betoon vanjaar liefde aan jouself.
VERHOUDINGS: In 2023 kan jy die onverwagte in jou belangrikste verhoudings verwag, want op 20 April is daar ’n verduistering in jou teken en op 14 Oktober in jou liefdesone. Met ander woorde: Enigiets kan gebeur – en dit sal waarskynlik.
AVONTURE: As jy vanjaar kans kry om te reis, kan dit jou lewe verander op maniere wat jy nie gedink het meer moontlik is nie. As jy nie die kans kry om weg te gaan nie, is die beste avontuur wat jy kan aanpak in jou kop, met iets soos om meditasie te leer. Enige selfondersoek wat jy in 2023 doen, sal ekstra kragtig wees.
Jy behoort taamlike