DIE son is nog nie eens behoorlik uit nie! Dit is veronderstel om vakansie te wees,” snork Rika verontwaardig. Dit is darem sag genoeg sodat net sý haar klagte hoor.
Tant Jacoba staan vooroor gebuig en loer na Rika onderdeur haar bene. Die ou vrou se kanariegeel broek het ’n laggesiggie op die sitvlakgedeelte. “Kom, kom, Rika, raak daai tone!”
Jacoba is deel van die voorbarige groep mense wat hulself saamnooi op familievakansies. Die hele kampeerterrein is natuurlik gaande oor tant Jacoba en die meeste ou mense wat hier is, kan nie wag om soggens haar jogasessie by te woon nie.
Sy staan voor ’n groot groep mense, en die meeste probeer hulle bes om al haar bewegings te volg, maar nie almal is so soepel soos sy nie. Op haar ouderdom kan sy nog ’n perfekte split uitvoer en sy voer dit graag ongenooid voor mense uit om ’n reaksie
