TOE sy nege jaar gelede uit Frankryk na Suid-Afrika toe teruggekeer het, het sy geen idee gehad wat die toekoms vir haar sou inhou nie. Haar akteursloopbaan in Frankryk wou nie aan die gang kom nie en sy sou maar moes sien wat haar geboorteland vir haar kan bied, het Gerwen Simon moedig gedink.
Min het sy kon raai wat op haar wag. Haar voete het skaars grond gevat toe sy – net twee weke ná haar aankoms in die land – ’n hoofrol losslaan in ’n sepie wat kort daarna onder die gewildstes en mees bekroondes in die land sou tel. En nie sommer enige rol nie – sy was in se heel eerste toneel.
