Die jaar was 2010 en die hele land was in ekstase oor die sokkerwêreldbekertoernooi wat op pad was na Suid-Afrika. Maar terwyl die opwinding oor die komende toernooi almal se gees gelig het, is die fondamente van Ellian Lukas (38) van George in die Suid-Kaap se lewe onherroeplik geskud … Hy het vyf verdiepings ver geval en is weens dié fratsongeluk verlam gelaat.
Maar hoewel die lewe hom gepootjie het en wou laat bly lê het, het Ellian homself afgestof en vir homself gesê solank as wat daar asem in sy longe is, gaan hy elke dag voluit lewe. Daarom sit hy sedert sy ongeluk en herstelproses nie vir een oomblik stil nie, want hy glo God het hom ’n tweede kans in die lewe gegee. En
