KORTOM
■ SA Stamboek se topperdestoetery van 2022 het in 2004 half terloops ontstaan toe ’n vriend oor die telefoon ’n merrie vir die huidige eienaar gekoop het.
■ Mnr. Jan Joubert se SA Boerperd-stoetery Rooigras dra ook sedert 2014 die kroon as beste stoetery op die telersgenootskap se jaarlikse skou.
■ Joubert teel nie vir die paviljoen nie, en meen die grootste aantrekkingskrag lê in dié diere se temperament, gehardheid en aanpasbaarheid.
LIGGING GAUTENG
INLIGTING
Plaasligging: Bronkhorstspruit
Naam: Rooigras
Jy moet wraggies lief wees vir perde as jy ’n perdestoetery wil bedryf. Vir geld kan jy dit nie doen nie. Daar is makliker maniere om geld te maak – koop eerder ’n Lotto-kaartjie. Só sê mnr. Jan Joubert spottend, maar met ’n tikkie erns.
Joubert is die eienaar van die SA Boerperd-stoetery Rooigras wat hy saam met sy vrou, Christelle, en dogters, Kristen (Basson) en Mia, op die plaas Rooigras by Bronkhorstspruit bedryf. Die Jouberts boer slegs met perde en ’n liefde vir dié diere is iets wat die hele gesin gemeen het.
“Dit is ’n groot deel van die gesprekke in ons gesin en dit is lekker vir ons as ouers om te sien hoe lief en trots die kinders vir die SA Boerperd en die stoetery is. Ek mors my geld met ’n glimlag op perde,