KORTOM
■ Hernubare energie word by die dag ’n aantrekliker opsie vir boerderye.
■ Boere moet verskeie faktore in ag neem wanneer hulle ’n son- of ander hernubare kragstelsel kies.
■ Kies jou diensverskaffer baie versigtig en oordeelkundig.
Suid-Afrika het in die eerste vyf maande vanjaar sonpanele ter waarde van nagenoeg R2,2 miljard ingevoer, volgens data van Reuters. Dit kan ongeveer 500 MW se opwekkingskapasiteit lewer tydens optimale opwekking.
Wanneer al dié sonpanele geïnstalleer is, kan dit Suid-Afrika se bestaande kleinskaalse opwekkingsvermoë van 2,1 GW met bykans ’n kwart verhoog. Daarmee sal gewone Suid-Afrikaners meer sonkrag opwek as wat die staat oor die afgelope dekade by die netwerk gevoeg het.
Boere laat nie op hulle wag wat hernubare kraginstallering op plase betref nie. Volgens mnr. Zander Kotze, senior sake-ontwikkelingsbestuurder by Energy Partners Power, is die mark tans witwarm. Dié maatskappy verskaf hernubare stelsels aan kommersiële en industriële ondernemings, en het reeds meer as 120 MW geïnstalleer.
Kotze sê twee of drie jaar gelede het dit nog oortuiging geverg