Die huidige klassifikasiestelsel van rooivleis is deurspek van swak punte. Kenners op die afgelope LRF-Veeskool by Aldam was dit eens dat dit in gebreke bly om in die behoeftes van verbruikers te voorsien.
Prof. Philip Strydom van die departement veekunde aan die Universiteit Stellenbosch het gesê die huidige stelsel is nie meer verbruikersvriendelik nie en klas A-vleis is nie altyd van goeie eetgehalte nie. “Voor 1994 het die klassifikasiestelsel goed gefunksioneer in ’n beheerde bemarkingstelsel. Ná deregulering het die stelsel nie langer behoorlik gefunksioneer nie.”
Ingevolge die huidige klassifikasiestelsel word vleisgehalte aan ouderdom (getal permanente snytande), vet en bouvorm gemeet. Tradisioneel is
