Vleisbeeste en voerkrale: Verseker verbruikersvertroue
Die speenkalfbedryf maak staat op goeie verhoudinge tussen produsente en kopers, terwyl ander kundiges hulle op navorsing toespits om die rooivleiswaardeketting vaartbelyn te maak.
“In Suid-Afrika word die beste rooivleis nie uitgevoer, soos in die vrugtebedryf, nie, maar aan plaaslike verbruikers beskikbaar gestel. Hulle kan verseker wees die vleis is van internasionale gehalte en hulle hoef nie bang te wees om rooivleis te eet nie,” sê mnr. Dewald Olivier, hoofbestuurder van die Suid-Afrikaanse Voerkraalvereniging (Safa).
Hy sê dit is noodsaaklik dat die voerkraalbedryf voldoen aan vereistes wat met naspeurbaarheid, dieregesondheid, voedselveiligheid en voedselsekerheid verband hou. Hy sê dit maak sin dat naspeurbaarheid van die voerkraal af teruggevoer word na die boer toe, maar wys daarop dat
