Die Bok-koors loop hoog in die Paarl - 'n Bolandse dorp wat nie net bekend is vir die Paarlrots (een van die grootste granietrotse ter wêreld) nie, maar ook vir die kranige rugbyspelers wat nes dié rots oorsee opslae maak.
Een van dié jongste oes van talentvolle rugbyspelers is die Blou Bul-vleuel Canan Moodie (19) wat met sy Springbok-debuut in Sydney teen die Wallabies (Australiese nasionale rubyspan) agter die doellyn gaan kuier het. Maar wie is dié jong, belowende rugbyspeler wie se naam op almal se lippe is ná sy skittervertoning in die Allianz-stadion?
Kuier het eerstehands by Canan en sy familie gaan uitvind.
Sy ma, Chantel (49), kan nie uitgepraat raak oor haar seun se puik prestasie nie. Die manier hoe sy oor hom