‘TRR,” lui dit in die Babbelboomhuis. Bibi wag al die hele oggend vir ’n maatjie se boodskap met die vraag van die dag.
“Ek sal antwoord,” roep Palawa die kameelperd en druk die knoppie om die oproep te beantwoord.
“Hallo, Babbels,” sê die maatjie. “Ek wil graag weet: Hoe groot is die grootste eier in die wêreld?” vra sy.
Bibi trek haar skouers op. Sy is nie seker wat die antwoord is nie.
“Wat dink julle twee?” vra sy vir Palawa en Paloeka die leeu.
“Sjoe. Ek dink ’n olifant se eier