DIE waarskuwing kan nie duideliker uitgespel word nie. “Wenn du mich siehst, dann weine (As jy my sien, moet jy ween),” staan dit in Duits uitgebeitel op ’n klip op ’n rivieroewer in Tsjeggië.
Dié klip is honderde jare gelede uitgekerf om toekomstige geslagte te waarsku: Pasop, as ek sigbaar is, is hongersnood jou voorland. En noudat die vlak van die Elberivier naby die stad Děčín in die noorde van dié land tot gevaarlik laag gedaal het, is dit weer daar vir almal om te sien. Dis amper so ontstellend soos die vele waarskuwings
