Covid-19, Brexit en ander wêreldgebeure het onlangs bygedra tot groot skuiwe in internasionale handelspatrone, waaruit Suid-Afrika verder kan munt slaan. Hierdie skuiwe, veranderinge en potensiële geleenthede het bygedra tot ’n studie wat deur die EU-SA Partners for Growth Programme gefinansier is en saam met die Suid-Afrikaanse regering, belanghebbendes in die private sektor en die EU gedoen is.
“Dit laat ’n mens dink aan die ou gesegde: Daar is ’n geluk by elke ongeluk,” sê dr. Martin Cameron, besturende direkteur van Trade Research Advisory, wat die navorsing onafhanklik uitgevoer het. “Die EU het ons gevra om die studie te doen en het daarvoor betaal. Ons moes ongewone geleenthede vir uitvoer na die EU identifiseer.”
Hy sê hierdie studie identifiseer en skep bewuswording van realistiese uitvoergeleenthede na die “minder opvallende” EU-27-vennote, afgesien
