Gesoek: Nuwe markte vir SA se topprodukte
Namate plaaslike landbouproduksie verhoog, raak toegang tot meer uitvoermarkte ál hoe dringender omdat plaaslike markte beperkte vermoë het om die groter aanbod te verbruik. Nie net moet die houvas op sleutelmarkte soos die Europese Unie (EU) behou word nie, daar moet ook uitgebrei word na uitvoermarkte buite die tradisionele gebiede, sê Agbiz.
Mnr. Wandile Sihlobo, hoofekonoom by Agbiz, sê hoewel boere hulle ook kwel oor gebrekkige infrastruktuur (onder meer paaie, spoorvervoer en hawens), toegang tot landboufinansiering en die vertrouensverhouding tussen die regering en die bedryf, was uitvoermarkte kort-kort ter sprake.
Hy sê Japan, China, Indië, Saoedi-Arabië, Bangladesj, Filippyne en Suid-Korea is van die lande waar Suid-Afrikaanse landbou-ondernemings groter marktoegang sal wil bewerkstellig. Die onlangse handelsversperrings deur die EU en China op sitrusvrugte en wol het Suid-Afrika se uitvoerbedrywighede geknel en die belangrikheid van ’n groter verskeidenheid markte benadruk.
Wat waarde betref, voer Suid-Afrika reeds sowat 52% van sy landbouprodukte uit. Hy is waarskynlik die enigste land in Afrika wat ’n netto uitvoerder van landbou- en kosprodukte is (sien GRAFIEK 1).
STRATEGIESE TEKORTKOMINGE
Dr. John Purchase, voormalige uitvoerende hoof van Agbiz, het dié kwessie onlangs op meer as een geleentheid opgehaal. Hy het op Agri Limpopo se kongres gesê dit is noodsaaklik dat die Suid-Afrikaanse landbou nuwe markte vir sy produkte kry en ontgin as die sektor wil aanhou groei. In dié opsig laat die regering en openbare
You’re reading a preview, subscribe to read more.
Start your free 30 days