IN BFAP se vooruitskouing vir die landbou-en-verwerkingsektor vir die tydperk 2023 tot 2032 wat pas bekend gemaak is, is daar ’n dringende oproep tot daadwerklike optrede om die ernstige probleme te oorbrug en ’n volhoubare toekoms te skep.
Dr. Tracy Davids, kenner van kommoditeitsmarkte en vooruitskouing by BFAP, sê druk moet van alle belanghebbendes in die waardeketting kom dat planne in werking gestel moet word. Dit gaan goeie samewerking tussen die regering en die private sektor verg en almal moet mekaar verantwoordbaar hou. Die probleme is nie onoorkomelik nie, maar gaan nie hulself oplos nie.
BFAP het oor die jare verskeie faktore beklemtoon wat van deurslaggewende belang is om ’n ommekeer te bewerkstellig.
Dit sluit in die noodsaaklikheid van ’n stabiele en bevorderlike beleids- en