WIE WOON HIER? Anne Turner, haar man en hul volwasse kinders David, Katie en Alex
WAAR Johannesburg
# 1 Staan nader
Met ’n nuwe vuurput op hul 1 ha-eiendom is skemerdrankies ná ’n duik in die swembad of ’n braai saam met vriende en familie deesdae soveel aanlokliker vir die Turners. “Dit vorm ’n heerlike uitbreiding tot ons onderdakstoep en ons geniet al die onthaalplek buite nou soveel te meer,” sê Anne, binneversierder by Simply Décor. Sy het haar seun David, ’n argitektuurstudent, betrek by die projek waartydens hulle die uitsig ten beste wou benut en ’n knus bymekaarkomplek in die tuin skep wat nie te ver van hul plaasstylhuis sou wees nie.
“Die idee was dat dié nuwe ruimte ons groot eiendom moet anker en ’n aanwins tot ons bestaande onthaalarea moet wees,” verduidelik Anne. “Dit was die manjifieke koraalboom langs ons huis wat die ligging van die vuurput geïnspireer het. In die winter laat die byna kaal takke die son deur en baai ons salig in die warmte; in die somer verskaf dit weer welkome skadu.” >>
Dit werk, want …
VUURPUT Dié element is ’n waardevolle toevoeging tot enige eiendom – terwyl dit ’n ekstra braaiplek bied, vorm dit ook ’n knus vuurmaakplek met ’n gesellige atmosfeer in die somer én winter.
PIZZA-OOND Veelsydige pizza-oonde is ’n groot bonus in ’n buitekuierruimte. Dink net aan tuisgemaakte pizza, brood, potjiekos en enige gereg wat lank en stadig wil gaar word.
’n Gruisbedekte paadjie verbind die