Ekonomiese klimaat kan nuwe produk maak of breek
Die nuwe somerseisoen is voor die deur en landboumaatskappye maak gereed vir die voor- of nadele wat daarin opgesluit lê. Sommige het nuwe produkte op die mark of brei bestaande reekse uit, terwyl ander eers die kat uit die boom kyk.
“Jy moet die omstandighede van die spesifieke sektor waarin jou produk verkoop word, oorweeg as jy iets nuuts na die mark wil bring, hetsy in die graan-, tuinbou- of lewendehawe-bedryf,” sê mnr. Paul Makube, senior landbou-ekonoom van FNB Agribesigheid.
“Vra jouself of daar tans ’n op- of afwaartse neiging is en wat jou produk na die mark bring. Is dit byvoorbeeld iets wat kostebesparend is, help dit met doeltreffendheid, of
