DERRY GIRLS
NETFLIX | 2018-NOU | KOMEDIE | SEISOEN 1-3 | KETTINGKYK VANAF VR. 7 OKT.
Ons gunsteling-hoërskoolidiote is terug! Dit lyk asof die probleme in Derry afneem en daar is ’n belofte van vrede in Noord-Ierland, maar in die klaskamer sweet almal, want dis tyd vir die GCSE (min of meer die SA gr. 11-eksamen) se uitslae. Die skool het ingeskryf vir die Stars In Their Eyes-realiteitsprogram, en suster Michael (Siobhán McSweeney) is so gemeen soos altyd. • Wees op die uitkyk vir die fliekfranchise Taken-akteur Liam Neeson as hoofinspekteur Byers in episode 1.
THE DRY
BRITBOX | 2022 | DRAMAKOMEDIE | SEISOEN 1 | KYK VANAF DO. 13 OKT.
Shiv Sheridan (Roisin Gallagher) keer terug na Dublin ná jare in die Londense partytjiekringe, en haar reputasie en finansies is verwoes. Sy’s net