MISKIEN was daar lank gelede ’n tyd toe dit normaal was dat een party in ’n huwelik – gewoonlik die broodwinner – die geldsake beheer het. Daardie party het dan die geld vir albei se oudag belê, groot besluite oor huiskoop en so geneem, en dalk vir die ander party elke maand ’n toelae gegee om iets vir hulself en die huishouding te koop.
Deesdae werk dit selde so. In ’n wêreld waar albei huweliksmaats waarskynlik werk en groter geslagsgelykheid vereis dat nie een van die partye die ander se afhanklike wil wees nie, moet egpare leer om die finansiële sy van hul huwelik soos ’n vennootskap te bedryf.
Dit vereis gesprekke waarop nie almal voorbereid is nie. Hoe praat jy met jou maat oor geld sonder dat dit ongemaklik raak? Hoe keer jy dat jou