DEURBRAKE NÁ LANG WAG
DIS ’n plat-op-die-aarde polisievrou wat alles vir haar kom verander het.
Voor die rol van die geliefde polisiesersant Suzette Claase in Nêrens, Noord-Kaap het die aktrise Daneel van der Walt al ’n swartbelt in verwerping gehad, vertel sy laggend.
Ja, daar was teater, kabaret en stemwerk oor die radio, maar die klein skerm en die groot doek het haar in ’n groot mate ontwyk tot sy in die TV-karakter Suzette se stewels geklim het.
“Ek knyp myself nou nog oor die geskenk van daai rol,” vertel Daneel in haar kleurvolle woonstel in Tamboerskloof.
Daar was ’n interessante karakter in Suidooster, en saam met die -rol ook een in , maar Suzette is die een wat vir haar deure kom oopmaak het.
