Waar kom klere vandaan?
PALAWA die kameelperd kruip agter die kas in die Babbelboomhuis weg. Sy wil vir Paloeka die leeu en hul vriendin Bibi uitvang met ’n grappie.
Palawa was gisteraand tot laat besig om ’n ou sokkie in ’n oulike handpop te verander. Sy het knope aangewerk vir oë en ’n strikkie bo-op die kous vasgewerk.
Paloeka gaan sit rustig, en kort daarna kom Bibi by die boomhuis aan.
“Bibi, het jy dalk vir Palawa gesien?” vra Paloeka.
“Nee, ek dog sy is by jou,” sê Bibi.
“Hallo, julle!” sê ’n skor stem.
Bibi en Paloeka kyk op toe hulle die vreemde stem hoor. Van agter die kas verskyn
