Só gaan arbeidskwotas die landbou raak
Nuwe wetgewing wat in die vooruitsig gestel word, kan indiensneming in die landbousektor vorentoe erg ontwrig. Dit sal veral die arbeidsintensiewe tuinboubedrywe wat heelwat buitelandse valuta vir die land verdien, raak omdat hulle sedert 1994 toenemend op seisoenale buitelandse werkers begin steun het.
Op ’n onlangse webinaar van die Noordwes-Universiteit het mnr. Christo van der Rheede, uitvoerende direkteur van Agri SA, sy kommer uitgespreek oor die konsepdokument oor ’n nasionale arbeidsmigrasiebeleid wat mnr. Thulas Nxesi, minister van indiensneming en arbeid, vroeër vanjaar vir kommentaar uitgereik het.
Die konsepbeleid is binne die breër konteks van Suid-Afrika se uiters problematiese arbeidslandskap opgestel en het ten doel om arbeidsmigrasie na en van Suid-Afrika te reguleer.
Dit maak onder meer voorsiening vir die instel van kwotas om voor te skryf hoeveel gedokumenteerde buitelandse burgers met werksvisums in van Suid-Afrika se vernaamste ekonomiese sektore, waaronder die landbou, gasvryheidsbedryf, toerisme en boubedryf, mag werk.
DIE LANDBOU AS WERKVERSKAFFER
In die eerste kwartaal vanjaar het die primêre
