Ses planne om meer klimaatslim te wees

Teen 2050 – net 28 jaar van nou af – kan die dagtemperature op plekke in die suidwestelike dele van Suid-Afrika, waar die meeste van die land se wingerde is, tot 3 °C warmer as tans wees. Dit kan ook tot 25% droër raak in dié dele.

“Dit klink dalk nie baie nie, maar dit beteken sommige plekke se dagtemperature kan tot bykans 50 °C styg. Voorspellings oor reënval is meer onseker, maar vir die westelike deel van Afrika word meer klimaatsuiterstes voorspel. Dit beteken hittegolwe, brande, vloede en droogtes gaan meer gereeld voorkom, ook droogtes wat oor etlike jare strek,” het die wingerdboukundige me. Rosa Kruger tydens ’n werksessie deur die Ou Wingerd-projek op Stellenbosch gesê. Kruger het veral ’n passie vir ou wingerde.

Daar is ook voorspellings dat die wêreld se gesogste wynstreke sal skuif of heeltemal verdwyn.

“Daar is al in 2015 voorspel dat tot 50% van die wingerde in die wêreld heeltemal kan verdwyn. Ja, die