KOM ONS RAAK FILOSOFIES
KINDERS worstel voortdurend met vrae oor hoe die heelal werk en wat die regte ding is om te doen. Die meeste volwassenes besef nie eens dat hul kinders klein filosowe is nie – of erger nog, hulle sê vir die kinders om op te hou om oor sulke dinge hare te kloof.
Ek is ’n filosoof en ’n pa. Ek het twee seuns, Rex en Hank. Hulle het van kleins af filosofiese vrae gestel, en dit self ook probeer beantwoord. Soms kom hulle met antwoorde vorendag wat ander wyse manne en vroue eeue gelede ook uitgedink het. Op ander tye het hulle al met ’n paar splinternuwe antwoorde vorendag gekom.
Baie mense glo my nie as ek hulle vertel hoe diep kinders kan wees nie.
“Natuurlik is jóú kinders filosofies,” sê mense vir my, “jy is dan self ’n filosoof. Die meeste kinders is nie so nie.”
Maar hulle is verkeerd. Elke kind is van nature ’n filosoof. Vir hulle is die wêreld ’n verwarrende plek en hulle probeer hard om daaruit sin te maak. En hulle is boonop goed daarmee. Kinders is slim en dapper denkers.
Trouens, volwassenes kan baie by hulle leer – soos dié vrae bewys.
EK VOEL SOMS ASOF EK DIE ENIGSTE REGTE MENS IS EN ALLE ALMAL ANDER MENSE ROBOTTE IS. HOE KAN EK WEET OF DIT WAAR IS? – URSULA (8)
Het jy al gekyk of jou gesin en maats paneelkassies en
You’re reading a preview, subscribe to read more.
Start your free 30 days