‘Mense is my passie’
Ontbytsake Seisoen 9 Saterdae kykNET (*144) 07:30
“Ogonna, Griet, dis ’n oomblik gelede,” sê die aktrise en TV-aanbieder Eloise Cupido (44) skertsend oor haar heel eerste dag op die stel van die oggendprogram Ontbytsake wat Saterdae om 07:30 uitgesaai word. “Dit was eintlik al in Mei 2014 en sedertdien geniet ek steeds elke opname wat ons maak,” sê sy trots.
As jong student wat in die vroeë 1990’s drama aan Tukkies in Pretoria gestudeer het, het sy aanvanklik nie gedink aanbiedingswerk is vir haar bedoel nie, maar vandag is dit haar brood en botter en sy kan eenvoudig nie genoeg daarvan kry nie. “My
