SUUR OOR SKULD
Hoekom gaan my suster so aan oor geld? Sy kan dit mos afskryf. Sy het dan meer as ek.
Baie van ons ken dié storie. 'n Familielid trek swaar en leen geld by jou, maar as dit by terugbe-taal kom, is hulle tjoepstil. Dis 'n ongemaklike situasie wat dikwels tot konflik lei en verhoudings kan laat uitrafel. Hoe nou?
Ekonomiese tye is taai en jy wil nie sien dat iemand, veral familie, swaarkry nie. Is daar 'n veilige manier om so 'n situasie aan te pak?
Navorsing wat deur gedoen is, toon byna die helfte van mense (46%) wat geld aan familie of vriende leen, het 'n negatiewe uitkoms. Altesaam 37% sê hulle het geld verloor en 21% sê hul verhouding met die persoon vir wie hulle geleen het, is opgemors.
