Hier rig data die besluite vir optimale stoetteling

Rhenostervallei Beefmasters is gereeld onder die toptien vleisbeesstoetkuddes in Vleissentraal en SA Stamboek se jaarlikse kompetisie, en het al ’n slag die eerbewys gewen. Vanjaar was hierdie spogkudde van dr. Hendrik en me. Ronel Meyer in die tweede plek.

Hendrik het tot onlangs toe nog by sy veeartspraktyk in Boksburg gewerk en Ronel, ’n wiskundige, was dosent aan die Universiteit van Pretoria. Die Beefmaster-stoetery wat hulle op die plase Rhenostervallei by Radium en Roodepoort naby Mookgophong in Limpopo bedryf, geniet eintlik eers hul volle aandag sedert 2020, toe hulle op Roodepoort kom bly het tydens die covid-19-inperking.

Met ’n seun, dr. Schabort Meyer, skoondogter, dr. Melissa Meyer, en dogter, dr. Rika Uys, wat ook veeartse is en almal by die praktyk betrokke is, het Hendrik gerus gevoel om die besigheid in hul hande te laat. Nadat die ergste van die eerste vlae van die covid-19-pandemie verby was en die inperkingsmaatreëls toenemend verslap is, het Hendrik en Ronel een dag vir die kinders gesê hulle gaan nie weer terug stad toe nie.

Dit is hier tussen hul Beefmasters dat ’n mens Hendrik en