Suurlemoen-enborriehoender met spinasie
Dié kleurvolle bredie kort nie regtig ’n ekstra stysel nie, maar die sousie is darem lekker oor gestoomde rys...
Genoeg vir 4 ruim porsies • Voorbereiding: 25 minute Gaarmaaktyd: 1 uur
• 30ml olyfolie
• 60ml botter
• 4 hoenderboudjies en 4 dytjies, vel verwyder
• 1 bossie spinasie, stingels en blare apart
• 1 rooi ui, gekap
• 2cm vars gemmer, geskil en gerasper
• 3 knoffelhuisies, fyngekap
• 5ml elk fyn komyn en koljander
• 10ml borrie
• 3ml fyn kaneel
• 12 klein aartappeltjies, gehalveer
• 1 blik (400g) kekerertjies, gedreineer
• sowat 500ml hoenderaftreksel
• 1 suurlemoen
• Griekse jogurt vir voorsit (opsioneel)
1 Verhit die olie en botter in ’n dikboompan en braai die hoender tot oraloor goudbruin. Geur mildelik met sout en swartpeper en hou eenkant.
2 Kap die are van die spinasieblare fyn (dit het dieselfde tekstuur as seldery en gee heerlike lyf aan die gereg) en braai dit saam met die ui in dieselfde pan tot glansend. Voeg die gemmer en knoffel by en braai nog ’n paar minute saam totdat die groente begin kleur kry.
3 Roer die speserye en aartappels by en roerbraai tot goed gemeng. Skep die hoender terug in die pot en voeg die kekerertjies en aftreksel by. Laat prut rustig vir sowat 45 minute of tot die hoender en aartappels lekker sag is.
Kap die spinasieblare en roer by. Rasper die suurlemoen se skil oor en laat prut nog sowat 5 minute of tot die spinasie verwelk is. Geur na smaak met die suurlemoen se sap. Sit voor met gestoomde rys en,