Bestuur dinamiese weiveld reg

Plantegroei is dinamies omdat dit voortdurend verander. Dit is egter belangrik om veldherstel haarfyn te bestuur en te benader omdat veld so gevoelig is. Dit kan verander as dit voortdurend wanbestuur word.

André Marcel Voisin (7 Januarie 1903-21 Desember 1964) was ’n Franse biochemikus, boer en skrywer wat veral bekend is om die ontwikkeling van die teorie van rasionele weiding (ook bekend as Voisinisme, Voisin-weiding of rasionele intensiewe weiding).

Hy het by geleentheid gesê: “As ek jou kan help om weiveld beter te verstaan, is ek nie bekommerd oor wat jy aan die weiveld gaan doen nie, ek is eerder opgewonde oor wat die weiveld vir jou gaan doen.”

As ’n veldboer hierdie konsep dat weiveld se plantegroei dinamies is, beter verstaan, sal Voisin se uitlating waar word.

Een van die modelle om weiveld se dinamiese geaardheid beter te verstaan, is die sogenoemde beker-en-bal-model (sien

SKETS

). Die weiveld se toestand word as ’n beker voorgestel. In die beker is daar ’n bal wat die spesifieke veldtoestand se plantegroeisamestelling voorstel. Hierdie bal (plantegroei en grond) is hoogs veranderlik of dinamies en kan rondbeweeg wanneer dit versteur word.

In die skets is daar ’n groen bal in die beker links