Herlewingslandbou
Reg oor die wêreld bevat een kubieke meter gesonde bogrond ’n verbysterende hoeveelheid en verskeidenheid organismes. Aangesien dié spesies dikwels klein – selfs mikroskopies “groot” – is, is die feit dat hulle gesamentlik gemiddeld 1,5 kg in elke kubieke meter bogrond weeg, selfs meer verstommend.
Van gemiddeld 100 biljoen bakterieë tot 100 erdwurms per dié volume grond, speel hierdie organismes elkeen ’n uiters belangrike rol om optimale gewasgesondheid, produktiwiteit, opbrengs en winsgewendheid te verseker.
“Bakterieë, swamme, alge en aalwurms is van die grondmikrobes wat regstreeks of onregstreeks verantwoordelik is om 85% tot 90% van ’n plant se voedingsbehoeftes te voorsien,” sê Dawie du Plessis, nasionale bemarkingsbestuurder van Agricol.
“As grondtoestande toegelaat word om te versleg, word grondmikrobes en plante se vermoë om toegang tot voedingstowwe te kry, onderdruk. Om die waarheid te sê, swak en ongunstige grondtoestande kan daartoe lei dat tot 70% van die grondmikrobes wat andersins voordelig vir ’n boer se oeste sou wees, in onproduktiewe dormansie gaan.”
Dormante grondmikrobes veroorsaak dat boere nie optimaal voordeel kan trek uit