Verstaan die hartklop van saailinge
Die droogte in die Karoo duur nou al etlike jare en van die plante het gevrek. Sodra die droogte breek, sal hierdie plante deur nuwe plante vervang moet word om die veld na sy vorige toestand te herstel.
Saad vereis water en hitte om te ontkiem. Hierdie proses kan met die klop van ’n hart vergelyk word. Elke keer wanneer die regte omstandighede voorkom, sal van die saad in die saadbank ontkiem, of anders gestel, daar sal ’n saadontkiemingshartklop plaasvind.
Die ontkiemingshartklop van grasse en bossies is baie soortgelyk.
Die syfers boaan elke hartklop soos op dui die kere aan wat die gewenste toestande vir ontkieming voorkom en nie noodwendig jare nie. Daar kan een of meer sulke geleenthede binne
