20 TOPTRENDS Mode & Skoonheid WINTER 2022
TREND 1 WINTERWIT
Wees waaghalsig en kies die grootste neiging van die seisoen: winterwit. Monochroom van kop tot tone hoef nie vervelig te wees nie. Dit gaan alles oor lae. Speel met teksture en skakerings om jou uitrusting volume te gee.
WENK
Meng die witwarm stukke met ander trends – soos pofferige en donsige items en hempbaadjies – vir ’n modieuse voorkoms.
DRA DIT SO
Dra hierdie neiging in romerige melkkleur en kraakwit vir ’n treffende wintervoorkoms geskik vir ’n stylkoningin.
TREND 2 OPGEPOF
Die poftrend heers weer dié winter. Van snoesige pofbaadjies met klassieke en modieuse afwerking tot opgestopte bykomstighede en skoene – als wat pof, is hierdie seisoen ’n treffer.
WENK
Skep dié winter lae met dimensie. As jy graag ’n bietjie vel wys, maak seker die lae is strategies vir genoeg warmte in die koue.
DRA DIT SO
Moulose poftops is ’n lekker straatstylstelling vir die winter. Beproef dit in verskillende kleure en maak dit jou uitrusting se uitstaanstuk. Stileer dit met ’n rolnektop, winterjas en tekkies om ’n onderbeklemtoonde voorkoms moeiteloos en op ’n cool manier woema te gee.
TREND 3 OORGROOT SERP
Geen winteruitrusting is afgerond sonder ’n bonkige serp nie. Wikkel jou warm toe met ’n knus oorgroot gebreide serp – dit is sjiek en ideaal
