mode & skoonheid
1 Beige
Die skakerings van hawermout, beskuit en naaswit is van die kleure waaruit jy in die beige-spektrum kan kies. Beige is een van die sjiekste kleure en skep dadelik ’n gesofistikeerde voorkoms. Belê in snyersitems wat by verskeie uitrustings pas, of dra dit laag op laag in verskillende skakerings. Ons hou van die veelsydigheid van die beige-familie omdat dit ook ’n neutrale basis vir helder en neonkleure is.
‘Hierdie reeks verteenwoordig ons strewe na ’n multifunksionele uitrusting - items wat deur die jaar gedra word, maar wat terselfdertyd by die seisoenale modes inpas’
– Margot M
MARGOT MOLYNEUX SE NOVA-REEKS HET STEEDS ’N KLASSIEKE GEVOEL EN FOKUS OP VORM, TEKSTUUR, AFRONDING EN NATUURLIKE MATERIALE. DIE NEUTRALE KLEURPALET VAN BEIGE, GEEL, BLOSPIENK EN OLYFGROEN DRA TOT DIE OMGEWINGSVRIENDELIKE VOORKOMS BY.
2 Glansend
Dis met goeie rede dat die natuurlike, glansende voorkoms elke somer ’n staatmaker-grimeervoorkoms is. Dit lyk jeugdig en vars en pas by alle ouderdomme. Die nuwe soort onderlae maak minder “toe” sodat die natuurlike veltoon steeds sigbaar is. Verdoesel merkies of kringe onder die oë met verbloemer en gebruik die nuwe, natuurlike onderlaag net om jou vel eweredig en glansend te laat lyk.
ONSIGBARE ONDERLAAG Hierdie voorkoms is met CHANEL LES BEIGES WATER FRESH-TINT (R1 110) geskep. Die onderlaag het ’n baie fyn tekstuur wat dit laat lyk asof jy nie onderlaag dra nie. Die waterformule bevat mikrodruppeltjies kleur en olie wat oopbars sodra jy dit met die kwassie (ingesluit) aanwend. Die tekstuur voel vars en jellierig en ruik ook heerlik. Die skakerings van LES BEIGES EYESHADOW PALETTE (R1 075) is op die oë gebruik en die LES BEIGES HEALTH GLOW LIP BALM INTENSE (R645) op die lippe.
Model Chloe se voorkoms is met PHYSICIANS FORMULA SPF20 HEALTHY FOUNDATION geskep. Die onderlaag bevat Chinese wu-zhu-yu-ekstrak, wat jou vel verhelder, hialuroonsuur wat
You’re reading a preview, subscribe to read more.
Start your free 30 days