1 TREND
Dopamien-inspuiting
Gee jou bui – en styl – ’n dopamien-inspuiting met helder, kleurvolle items. Dink aan prettige skakerings, logo’s en patrone wat ’n euforiese reaksie ontlok. Jy kan die trend baasraak in helderkleurige patroontoppies by broeke in ’n soliede kleur.
2 TREND
Sjiek serpies
Helderkleurige serpe is perfek vir die somer. Dié veelsydige bykomstigheid sorg vir ’n tikkie sjiek by jou voorkoms en kan op verskeie kreatiewe maniere as hoofbedekking gedra word. Gebruik jou serp op ’n prettige manier om dimensie en ’n mooi boheemse afronding aan jou uitrusting te gee.
3 TREND
Halterhals
Die halterhals-trend is terug met mening op straat en die loopplank. Wys ’n bietjie lyf in halterhalstoppies en -rokke. Kies ’n rok met treffende patrone en dra dit saam met plat sandale of hakskoene.
WENK
Koel patrone in helder kleure sorg vir ’n dopamieninspuiting in ’n kits.
4 TREND
Platform-perfek
Helder kleure was gewild op die loopplank en het na skoene oorgespoel. Gee jou uitrusting ’n spatsel kleur met platformskoene in prettige skakerings soos groen, pienk en suurlemoengeel. Van aanglipsandale tot platformsandale en tekkies, dra dié treffende trappers by ’n halterhalstop en hoëmiddeljeans en ’n helderkleurige handsak.
WENK
Dis alles in die detail. Subtiele patrone en teksture gee dimensie.
5 TREND
Somerpakkies
Lyk somergereed in helder geel, rooi, groen of pienk pakkies. Kies materiaal wat
