Tanya se groot val

Dis geen geheim hoe verlief Tanya (Liezl de Kock) en Werner  Visagie (Zak Hendrikz) is nie – dis genoeg om enigeen weer in die liefde te laat glo. Deel van die kultuur van hul huwelik is hul liefde vir dans. Wanneer hulle ook al nader aan mekaar wil voel of selfs wil ontsnap van die druk in die regte wêreld, dans hulle met mekaar.

Maar terwyl hulle in hul woonstel dans, is daar ’n ongeluk en die vloer gee mee onder Tanya, wat haar op (Nobuhle Mimi Mahlasela) in Oppiekoffie reg onder laat val. “’n Ligte aardbewing het ’n kraak in die vloer veroorsaak en die vloer het ingetuimel terwyl Tanya en Werner gedans het. Tanya het nou soveel pyn, sy het haar ribbes en sleutelbeen seergemaak,” sê Liezl. Die bewustelose Aggie en Tanya word na die Hillside-kliniek geneem, terwyl Werner homself blameer. “As hy miskien nie daarop aangedring het om te dans nie, sou hulle die aardbewing gevoel het. Die ongeluk sou dan nie plaasgevind het nie!” sê Zak. En dis net die begin van iets spookagtigs!