In die somer gaan smul ons by vriende se oesters cabane aan wat hulle dieselfde oggend nog uitgetrek het
Hoe lank bly jy al in Frankryk?
Ek het elf jaar terug agter my hart aan hierheen verhuis. My man, Chappy van Vliet, was ’n professionele rugbyspeler en so trek ons toe vir jare van veld na veld en klub na klub. Enige rugbyspelersvrou sal vir jou kan sê dis ’n twee-tas-bestaan. Ons (en ons twee katte, Croissant en Taxi) het tien jaar gelede in die Bassin d’Arcachon kom woon. Dis waar Chap uiteindelik sy tokse opgehang het en hier lê my gehekelde kombers en Afrikaanse resepteboeke steeds. Chappy het ’n verfbesigheid en my werk is oor die waters (en die internet) in Suid-Afrika.
Watter werk doen jy?
Ek werk in liefde, mode en Afrikaanse reklame. Ek en ’n vennoot, Dewald van Zyl, wat in Kaapstad woon, het saam ’n bemarkingsagentskap genaamd Dit&Dat Ontwerp. Ons “kuberwerk” al die afgelope vyftien jaar oor die waters. Ons is ook deel van die bende eienaars agter die Afrikaanse maatsoek-app Koer. Ek, Chappy en vennote versprei ook ’n Franse onderklere-handelsmerk vir mans, Pullin, in Suid-Afrika. Ek besef ek staan met die wit-baguette onder die