Ons gaan tuin toe
FOTOGRAFIE
As die gogga eers byt…
Insekfotografie het sy uitkyk op die lewe heeltemal verander, sê die fotograaf Mike Green. Hy deel sy wenke hoe om dié klein gediertes af te neem en te geniet.
Waar kom jou belangstelling in insekfotografie vandaan?
Vreemd genoeg was dit nie ’n liefde vir insekte nie. Ek is al 38 jaar ’n fotograaf en het al amper elke genre behalwe makrofotografie verken. Agt jaar gelede moes ons my ma, wat demensie het, voltyds op die plaas gaan oppas. Dit was frustrerend om nie meer foto’s van troues en sportgeleenthede te kon neem nie. My goeie vriend John Read het my toe aan makrofotografie bekend gestel… En skielik het ek honderde onderwerpe reg onder my neus geghad!
Waarom geniet jy dit om foto’s van skoenlappers, insekte en bye te neem?
Ek gebruik slegs ’n makrolens vir dié tipe fotografie, en daarom sien ek fassinerende detail wat ’n mens nooit met die blote oog sal kan sien nie.
Die besonderse “konstruksie” en gedrag van dié diertjies verbaas my keer op keer keer. Voordat jy volgende keer na die blik insekgif
