Loubie Rusch het al 12 jaar veldkos op die brein – veel langer as wat dié gonsterm, wat deesdae op elke tweede deftige restaurantspyskaart pryk, in Suid-Afrika vastrapplek gekry het.
Dié voormalige tuinboukundige het in 2010 begin om plante in die veld dop te hou en toe klein bietjies daarvan begin oes waarmee sy in die kombuis kon eksperimenteer. Kort voor lank het sy onder die naam Making KOS ’n seisoenale produkreeks ontwikkel en ook praatjies, velduitstappies en werksessies begin aanbied om mense aan die
